وەزیری دەرەوەی بەریتانیا ئاماژە بەوەدەکات، ناکۆکیمان لەگەڵ ئیسرائیل هەیە، بەڵام پشتیوانیان دەکەین و ڕۆژهەڵاتیی ناوەڕاست بە ساتێکی مەترسیدار تێپەڕدەبێت.
دەیڤد لامی، وەزیری دەرەوەی بەریتانیا ئەمڕۆ دووشەممە، 16ـی حوزەیرانی 2025، لە پەرلەمانی وڵاتەکەی ڕاگەیاند: نوێنەری ئێمە بۆ ڕۆژهەڵاتیی ناوەڕاست قسەی لەگەڵ بەحرەین کردووە و لەگەڵ ئوردنیش پەیوەندییمان باشن و لە چەند ڕۆژی ڕابردوو زیاد لە جارێک قسەم لەگەڵ وەزیری دەرەوەی ئەو وڵاتە کردووە.
دەیڤد لامی باسی لەوەش کرد، ناوچەکە بە دۆخێکی مەترسیدار تێپەڕ دەبێت و پێشبینی دەکەین لە چەند ڕۆژی داهاتوو هێرشی زیاتر لەلایەن هەردوولاوە ڕووبدات.
وەزیری دەرەوەی بەریتانیا دەڵێت: نیگەرانییەکانی خۆمان بەرانبەر بەو دۆخە مرۆیەی لە غەززە هەیە بە ئیسرائیل گەیاندووە، لەم قەیرانەدا بەهیچ شێوەیەک چاومان لەسەر غەززە هەڵناگرین، ناکۆکیمان لەگەڵ ئیسرائیل هەیە، بەڵام پشتیوانیان دەکەین و بەهۆی هێرشەکانی ئێران بۆ سەر ئیسرائیل تاوەکوو ئێستا 21 گیانی لەدەستداوە و 500کەسیش برینداربوونە.
وەزیری دەرەوەی بەریتانیا جەخت لەوەدەکاتەوە، هیچ پەیوەندیمان بەشەڕی ئێران و ئیسرائیلەوە نییە.
